Maria Chiara Moskopf-Janner, Manfred Gross

Il Rumantsch ed il talian en il sistem da furmaziun svizzer

Tge posiziun han il rumantsch ed il talian en il sistem da furmaziun svizzer? Quantas scolaras e quants scolars frequentan ina scola primara bilingua en il chantun Grischun? Quals chantuns porschan ina maturitad bilingua cun talian? En tgeninas universitads san ins studegiar retoromanistica? Perscrutadras e perscrutaders da la Scola auta da pedagogia dal Grischun (SAPGR) han sclerì questas ed autras dumondas davart las duas linguas minoritaras svizras en il sectur da furmaziun. Ils resultats èn fluids en duas publicaziuns:

Las publicaziuns fan part d’ina retscha da dossiers deditgads al sistem da furmaziun da regiuns europeicas cun ina u pliras linguas minoritaras, edids dal Mercator European Research Centre on Multilingualism and Language Learning. Ils documents furneschan datas statisticas davart il rumantsch ed il talian en il sistem da furmaziun svizzer e davart la purschida da furmaziun per questas duas linguas, da la scolina a las professuras universitaras ed als curs per creschids fin als curs da furmaziun bilings ed a la scolaziun da magistras e magisters. Ils dus cudeschets cuntegnan era infurmaziuns davart la politica da furmaziun relativa al talian ed al rumantsch en Svizra, davart la structura dal sistem da furmaziun e davart las instituziuns che sustegnan las duas linguas minoritaras sin champ naziunal u regiunal.

Mehrsprachigkeit Graubünden