Impurtanza e Dimensiun da la plurilinguitad en il Grischun

Intermediar fatgs

Intginas tematicas davart la plurilinguitad en il Grischun èn gia vegnidas ventiladas e discutadas da la scienza. Per autras mancan analisas actualas. Igl exista en mintga cas in basegn d'infurmaziun e discussiun. La Scola auta da pedagogia dal Grischun (SAPGR) e l'Institut per la perscrutaziun da la cultura grischuna (ikg) vulessan sclerir il tema da la plurilinguitad en il Grischun en tut sias dimensiuns multifaras ed al metter en discussiun cun las pussaivladads digitalas actualmain disponiblas sin ina plattafurma d'internet. 

Metter accents

Dumondas davart la plurilinguitad sveglian emoziuns. La plattafurma online pluriling-gr vuless metter accents e prender posiziun, per part era a moda accentuada. Savend ch'i dat tuttavia era opiniuns divergentas, vulessan ils responsabels procurar per resuns!

Procurar per resuns

Ans dai per plaschair in resun, sche vus, sco lectura u lectur, n'essas betg d'accord cun in'opiniun u ina preschentaziun dals fatgs sin pluriling-gr. Nus vulain esser ina plattafurma che publitgescha era opiniuns cuntrarias.