Romedi Arquint

Sco il prinzi en la paraula sto mazzar il dragun per pudair a la fin maridar la princessa, sto ina persuna u ina communitad plurilingua sa far valair cunter la pussanza e l’influenza da la maioritad monolingua. Sin via vers la plurilinguitad è il plidader/la lingua en il decurs dal temp confruntà cun in dumber considerabel da resistenzas (princip territorial, cunfins da lingua, libertad da linguas, plurilinguitad rumantscha etc.) che ston vegnir surmuntadas. L’autur las cumpareglia cun ils chaus dal dragun che ston vegnir pitgads giu in suenter l’auter enfin la liberaziun finala da la plurilinguitad da tut las restricziuns e cun il scopo dal manteniment da la varietad linguistica.