Raphael Berthele

En questa contribuziun vegn ultra da quai discussiunada la situaziun instituziunala e demografica dal rumantsch en cumparegliaziun cun autras linguas. L’emprim sa dumonda l’autur tge “chausa” ch’ina lingua è insumma. Partind d’in concept da lingua che tegna quint da la natira evolventa e collectiva da fenomens linguistics, vegn la dumonda discutada co ch’ins po direger, sustegnair u schizunt salvar linguas. Suenter vegnan dilucidads aspects da l’ecologia linguistica, damai facturs na linguistics, che stattan en connex cun l’uschenumnada vitalitad da linguas e dialects. Quellas analisas cumparatisticas suggereschan che tschertas modas etablidas da vesair la diversitad linguistica da la Svizra u la pitschnadad dal rumantsch stuessan vegnir missas en dumonda u eventualmain currigidas.