Harald Schneider

Plurilinguitad en Svizra – Exempel u model antiquà?

Tesas

  • Il svilup da la plurilinguitad en Svizra, Austria ed en ils Stadis Unids da l’America ha prendì vias cumplettamain differentas.
  • La situaziun da las linguas (estras) en Svizra, en Austria ed en ils Stadis Unids da l’America en scola e societad sa lascha cumparegliar mo parzialmain.
  • La Svizra en general resp. il chantun Grischun en spezial pudessan servir sco exempel per in model da la plurilinguitad funcziunala per l’Austria ed ils Stadis Unids.
  • En tut ils pajais da cumparegliaziun sa mussan dentant cunfins en il diever da la plurilinguitad.

Quests aspects vegnan tematisads en la contribuziun; l’emprim vegn fatg in congual da la Svizra cun il pajais vischin Austria areguard l’istorgia da l’urbanisaziun e da la migraziun dals dus pajais. En quest curt cumpendi vegn mess il focus sin il chantun Grischun che porscha in bun congual cun la Carinzia ed il Burgenland en Austria che han premissas analogas per la plurilinguitad.

In terz focus metta la contribuziun sin las particularitads politicas e da la politica da furmaziun en connex cun la plurilinguitad resp. l’absenza da quella en ils Stadis Unids da l’America. Latiers vegnan descrittas las caracteristicas dals moviments English Only e English Plus Movements en ils Stadis Unids. 

Mehrsprachigkeit Graubünden