100  ONNS  PGI

  • Cumbain ch’il chantun Grischun è uffizialmain in chantun triling, èsi necessari da proteger e promover il talian. 
  • L’iniziativa davart las linguas estras ha mussà che l’idea da l’egualitad da las linguas chantunalas n’è betg (anc) enragischada en la populaziun. 
  • Senza in’associaziun sco la Pro Grigioni Italiano fissi pli difficil da proteger e promover il talian en il chantun Grischun ed en il rest da la Svizra.

L’associaziun Pro Grigioni Italiano (PGI) è vegnida fundada l’onn 1918 sin iniziativa dad Arnaldo Marcelliano Zendralli. L’intent principal da la PGI è quel da sustegnair e promover la lingua taliana e la cultura dal Grigionitaliano en il chantun Grischun ed en la Confederaziun cun sustegnair l’activitad culturala e defender ils interess da la minoritad italofona en Svizra. La sedia centrala da la PGI sa chatta a Cuira. L’associaziun dumbra 11 secziuns sparpagliadas en tut la Svizra. Las secziuns en il Grigionitaliano (BregagliaMoesanoValposchiavo) ed a Cuira gesteschan in center regiunal. Ils champs d’activitad principals da la PGI cumpiglian l’animaziun culturala, las publicaziuns e las cussegliaziuns linguisticas, adina en favur da la lingua e da la cultura taliana cun resguard spezial al Grigionitaliano. Quest'incumbensa è necessaria, perquai ch’il Grigionitaliano represchenta ina minoritad betg mo a nivel naziunal, ma era a l’intern da la Svizra taliana. Franco Milani maina la PGI sco president dapi il 2018. Nus avain prendì l’occasiun dal tschientavel anniversari da la fundaziun da la PGI per far ad el intginas dumondas.

Mehrsprachigkeit Graubünden